Pakîstanî, paytextê Afganîstanî Kabîl zî tede xeylê şaristanan ser o herîşê hewayî viraştî. Rayberîya Îslamabad vera hukmatê Talîbanî “şero eşkera” îlan kerd. Mabênê her di dewletan de problemê sînorî ser o tansîyon dewam kerdene nika rewşa peyêne çî ya?
Pakîstanî “Şero Eşkera” îlan kerd
Pakîstanî, roja îne paytextê Afganîstanî Kabîl û merkezê hêzê başûrî yê rayberîya Talîbanî, sere de Kandahar û xeylê nuqtayî bombabaran kerdî. Goreyê çimeyan ra Kabil û Kandahar de vengê teqayîşan ameyo heşnayene û teyareyê şerî nizm ra firayîş kerdo.
Wezaretê Pawitene yê Pakistanî eşkerayîya xo ya peyênî de vat ke Rayberîya Talîbanî reyde “Mîyanê pêkewtişêko pêroyî de yê” sebrê ma resa sînor. Endî mabênê ma de şero eşkera est o.
Afganîstan: 15 mewzîyê Pakîstanî kewtê destê ma
Mucahîd, Yewîneyê Afganîstanî û xebatê înan yê herême ser o “15 mewzîyê neyarî kewtê destê ma. Xeylê leşkerî ameyê kiştene, tayê înan sax ameyê girewtene”
Eşkerayî de ame îdia kerdene ke eyaletê Nangarharî herêma Durbaba de Mashin Naw’da 2 qereqolê Pakistanî, herêma Goshte Anargî de 3 qereqolî û eyelatê Kunarî herêma Doklamî de 2 qereqolî kewtê destê înan.
‘Pakîstanî ra eşkerayî ameya’
Hukmatê Pakîstanî ra eşkerayîya xo vat ke, rayberîya Talîbanî yê Afganîstanî eyaletê khyber Pakhtunkhwa de xetê sînorî seraser zafê nuqtayan de seba ke bê sebeb hêriş kerdo, sucdar kerdî.
Wezaretê Enformasyonî yê Pakistanî vat ke hêzanê leşkerî yê Pakîstanî mudaxeleyê rewşe kerdo bi hewayêko tesîrdar cewabê înan dayo.
Şer de 133 leşkerê Afganîstanî û 55 leşkerê pakîstanî vanê ameyê kiştene.
Serekê Pakîstanî ra mesaj
Serekê Pakîstanî Şahbaz Şerîf, hesabê hukmatî Xî ser o parekerdişêk kerd û wina vat: “Heme milete ma kişta Hêzanê Çekdarî yê Pakistanî de yê. Artêşe bi ruhê neteweyî gureyê xo bi ca ana. Şarê Pakîstanî û hêzê çekdarî, pawitiş welatî de yewîya herre xo her wext do bipawo.” û pesnê hêzanê leşkerî da.
