Serekê Koreya Başûrî Yoon Suk Yeol serê sibayî ame tepiştiş. Tarîxê welatî de reya yewin a ke serekê welatî yeno tepiştiş.
Goreyê xebera Reutersî; rayedarê Ofîsê Tehqîqatê Gendelî (CIO) serê sibayî Serekê Koreya Başûrî Yoon Suk Yeol ke kar ra amebi dûrvistiş, keyeyê serekatîya dewlete de tepişt û seba îfadeyî berd Ofîsê Tehqîqatê Gendelî yo ke Gwacheona de başûrê Seulî de yo.
Tarîxê Koreya Başûrî de reya yewin a ke serekê dewlete yeno tepiştiş.
Ganî bêro zanayene ke Yoon Suk Yeolî 14ê kanûne 2024î de rewşa awarte îlan kerdbî. Dima ra Parlementoyê Koreya Başûrî seba ke rewşa awarte vera qanûnê bingehî de ya waştişê tepiştişê Yoon Suk Yeolî kerdbi û seba ney kar ra amebi dûrvistiş.
