Seba serrgêra qirkerdişê Dersimî ya 88. Dêrsim de yew rayîrşîyayîş ame organîzekerdene û Meydanê Seyît Rizayî de vîrardene ame viraştene. Qiseykerdişî de ke ameyî kerdene, dewlete ra ame vatene ke wa qirkerdişê reyde bêrê rî bi rî bêrê.
4ê Gulane 1937î de bi qerarê Komîteya Wezîran qirkerdişo ke vera şarê Dêrsimî dest pêkerdo, sersera 88. de kesê ke ameyî qetilkerdiş ameyê vîrardiş. Rayîrşîyayîşo bêveng ke Kuçeya Hunerî ya Dêrsimî de virazîya, tede temsilkarê komelê cîya-cîya û şaristanî, reyna temsilkarp Federasyonê Elewîyan ê Tirkîya (ADFE), Konfederasyonê Yewîya Elewîyan ê Ewropa (AABK), Komelê Elewîyan ê Demokratîk (DAD), Komela Kultur î ya Pîr Sultan Abdalî (PSAKD), û Partîya Têduştî û Demokrasîya Şaran (DEM Partî) beşdar bîyê.
Temsilkaranê komelan, mesajê merdiman resna û Meydanê Seyit Rizayî de qisey kerdî û înan dewlete ra vat ‘Qirkerdîşî reyde bêrê rî bi rî.’ Temsilkaranê komelan îfade kerd ke nê qirkerdişî de des hezaran merdimî ameyî qetilkerdiş.
Sewbîna temsilkaranê komelan qisey kerdî û înan îfade kerd ke Tirkîya eke bi tarîx û nê qirkerdişî reyde nêra rî bi rî, demokrasî, edalet û aştî nêeşkeno bêro. Heme temsilkaran hîs û helwêstê îfade kerd. Înan vat heta ke qirkerdişê Dêrsimî de yew çareserî yanî yew rî bi rî bîyayîş nêbo, ê do têkoşînê xo bidomnê ke şarê cîya-cîyayî sey kurd, elewî, ermenî, suryanî, tirk, îtîqadê cîya-cîyayî û pêroyê şarî azadî û têduştî mîyan de bêrê têhet.
