Meşte Roja Rojavayî yê Dinya ya. Bi minasebeta roje do siba xêylî şaristananê Vakurê Kurdistanî û Tirkiye de û dinya de bi milyonan Kurd û dostê kurdan vejînê qadan û reydebîn piştgirîya berxwedana Rojavayî bêro kerdene.
25ê Çileyê de her çar parçeyanê Kurdîstanî de zêdeyê 30 temsîlkaranê partî û sazîyan bi rojdemê Rojavayî Bruksel de kombîyayîş kerd. Kombîyayîş de 1ê Sibate zê Roja Rojavayî yê Dinya amebî îlankerdene. Siba 1ê Sibatê Roja Rojavayî yê Dinya ye wa. Bi minasebeta roje do siba sere de şaristanê Kurdîstanî, Tirkîya û xêylî welatanê dinya de rayîrşîyayîş û mitîng bêrê kerdene.
Vakurê Kurdîstanî do siba vejîyenê qadan
Şaristan û qezayê Vakurê Kurdîstanî siba pêşengîya Platforma Sazîyan ê Demokratîk de rayîrşîyayîş yeno viraştene. Amed, Mêrdîn, Riha, Batman, Wan, Şirnex, Sêrt, Colemêrg û zaf şaristan û qezayanê bînan de rayîrşîyayîş beno. Hemserekê Pêroyî yê DBP’yî Keskîn Bayindir Qoser de terba rayîrşîyayîşê Roja Rojavayî yê Dinya beno.
Heto bîn ra meşte sere de Stenbol û xeylî şaristananê Tirkîya de şarê Kurd û dostê xo seba Rojava bikewê qadan û bale bancê serê berxwedana Rojavayî. Rayîrşîyayîş û çalakîyan de reyde bîn piştîye danê berxwedana şarê Rojavayê Kurdistanî.
Reyna şarê Kurd û dostênê xo yê bajaranê Ewropa xo seba siba amade kenê ke bikewê qadan û 1ê Gucige Roja Rojavayî yê Cîhane pîroz bikerê û dilgermîya xo seba berxwedana Rojava bîyarê ziwan.
