Temsîlkara Washîngtonî ya Meclîsê Sûrîya Demokratîke Sînem Mihemedî dîyar kerd ke peymana10ê Adare tekane rayîrê Sûrîyêka hempare, têduşt û nemerkezî ya demokratîke û eynê wextî de caardişê peymane yeno manaya îmtîhanê samîmîyetê hukmatê demkî ya Şamî. Sînem Mihemedî vat ke ganî hukmato demkî caardîşê peymane ra nêremo.
Temsîlkara Washîngtonî ya Meclîsê Sûrîya Demokratîk (MSD) Sînem Mihemed derheqê averşîyayîşanê peymana 10ê Adare de Platformê Medya yê Mjharî rê qisey kerd. Mihemed peymana 10ê Adare sey gamêka sîyasî û muhîme erjnaye û wina vat: “Seba pêkewtişê Sûrîye bêrê vindarnayîş gameka sîyasî ya muhîm a. No rayîrê awankerdişê Sûrîyeyêka bêpekewtîş, zaf vengî, nemerkezî û hempare ya esasê naskerdişê cîyayîyan ser o yo. Helwêstek est o ke wazeno hukmatê demkî reyde çareserîyêka hempare awan bikero.”
‘Ma wazenê bibê şirîkê rasteqîn’
Sînem Mihemed dewamê qiseykerdişê xo de îfade kerd ke na tena peymanêka fermî ya la eynê wextî de do heme temsîlkaranê Sûrîye ser o tesîr bikera. Sînem Mihemed nê çîyî vatî: “No belgeyo ke dibendî, renganê cîyayan xo de nêhewîneno, rayîrê rayberîya demokratîke ma rê ferz keno. Eynê wextî de na peymane îmtîhanê samîmîyetê hukmatê demkî yo. Na babete de Meclîsê Sûrîya Demokratîke qerardar o û wazeno bibo şirîkê rayberîya Sûrîye.”
‘Warê mîyanneteweyî de piştgirî est a’
Sînem Mihemed helwêstê hêzanê mîyanneteweyî ser o zî da zanayene ke seba caardîşê peymane piştgirîya mîyanneteweyî est a û vat: “Eke hukmato demkî goreyê xo şîrove bikero yan zî prosesî apey bero, do bawerîya hemverê nê otorîteyî vîndî biba. No zî piştgirîya ke heta nîka hukmatê demkî warê mîyanneteweyî ra gîrewta, qels bikero.” Sînem Mihemed da zanayîş ke bi hewayêko unîter û bi temamî caardişê peymane do bawerîya mîyanneteweyî xurt bikero û do rayîrê çareserîye de piştgirîyêka pîle xo reyde bîyaro.”
