Şero de ke bi hêrişê hêzanê hukmato demkî yê Şamî yê durzîyan ser o dest pêkerd, nêzdîyê 350 kesî ameyî kiştene. Dimayê hêrişanê Îsralî hêzanê Şamî xo apey ant û ewleyî dewrê şarê herême kerd.
Goreyê bîlançoyê ke roja pancşeme hetê Çimdarîya Heqanê Merdiman ê Sûrîye (SOHR) ra ame eşkerakerdene, peynîya hewteyo verên şero de ke Siwêda de dest pêkerd, nêzdîyê 350 kesî weşîya xo dê.
Goreyê SOHR’yî hedîseyanê şerî de pêroyê 79 şervanê durzî, 55 sîvîl, 189 endamê artêşe yan zî ewlekarîyê û 18 hêrişkarê bedewî ameyê kiştene. Nê ser o ra hêrişanê Îsraîlî de 15 leşker û endamê hêzê ewlekarî ameyê kiştene.
Dimayê bombabaranê Îsraîlî yê derûdorê serekîya Şamî û qerargehê leşkerî, adirbest ame îlankerdene. Dima hêzanê Şamî xo Siwêda ra ant.
