SOHR’î dîyar kerd ke tewr kêm 17 cinî û gedeyî Sûrîye de ameyê remnayene
Merkezê Muşahadeyî Heqanê Merdiman yê Sûrîyeyî (SOHR) dîyar kerd ke şaristananê Laziqîye, Hums, Suweyda, Tartûs û Hemayî tewr kêm 17 cinî û gedeyî ameyê remnayene.
Raporî de ame dîyarkerdene ke derheqê tarixê remnayîşî ê kesan ke ameyê remnayene û aqûbetê înan de tu agahî nêameyê girewtene.
Heto bîn ra kesê ke nasnameyê înan eşkera nîyo, taxanê El Sebîl û El Beyadîye yê Humsê de eşto keyeyêk ser o û eyn keyeyî ra 5 kesî remnayî. Aqûbetê kesanê ke ameyê remnayene, nêyeno zanayene.
