Seba endamê Komîteya Merkezî yê PKK Metîn Arslanî Xelfetî de cayê şînî ame ronayene. Vera cayê şînî rayîrşîyayîşêko gird ame viraştene.
HPG vizêrî dabu eşkerakerdene ke endamê Komîteya Merkezî yê PKK’yî Metîn Arslan (Koçero Riha) 4ê teşrîna peyêna 2019î de peynîya hêrişê hewayî de weşîya xo dest daya. Eşkerayîye ra dima welatê Metîn Arslanî dewa Amaraya ke girêdayîyê Xelfetîya Riha de şîn ame ronayene.
Seba Endamê Komîteya Merkezî ya PKKyî Metîn Arslano (Koçero Urfa) ke 4ê teşrîna peyêne ya 2019î de şehîd bibi, qezaya Xalfetî ya Riha de dewa Amara de zîyaretê serweşîye yenê qebulkerdene.
Serkêşîya KAT-DERî de ver bi dewe rayraşîyayîş ame kerdene.
Hemserekê DBPyî Keskîn Bayindir, Hetkarê Hemserekanê DEM Partî Mehmet Ruştu Tîryakî, Wekîlê DEM Partî Omer Ocalan, Ferît Şenyaşar, Dîlan Kunt Ayan û Saliha Aydenîz, Mehmet Ocalan, îdarekarê MEBYA-DER, Mayê Haştîye, aktîvîstê TJA û xeylê kesî tewrê rayraşîyayîşî bîyî.
Girseyî fotografê Arslanî akerdî, verê dewe ra ver bi warê yadkerdişî rayraşîyayîş kerd.
