Parlamentera DEM Partî ya Şirnexî Newroz Uysal Aslan ke Deklarasyonê “Newroza Azadî û Yewîya Demokratîk” wend û dîyar kerd ke Prosesê Aştî û Komelo Demokratîk de Rayberê Şarê Kurdî Abdullah Ocalan û têgêrayîşê ey heme berpirsiyarîyê xo bi ca ardê û ganî dewlete bilez gamanê muhîman bierzo û wina vat: “Emser ma reyna bi hişmendî û qerardarîya ke estbîyayîşo têduşt û azad bi nasname, ziwan, bawerî û kulturanê cîyareng û awankerdişê cuya xo serê bingeyêk têduşt û demokratîk, tena bi têkoşîn û xoverdayîşo rêxistinî û kolektîf mumkun o, vejiyene waranê Newroze.
Koordînasyonê Merkezî yê Newroze bi amancê eşkerakerdişê deklarasyonê Newroza 2026î Otêla Elîte World de kombîyayîşê çapemenî viraşt. Hemverfekê HDK’yî Meral Daniş Beştaş û Alî Kenanoglu, Hemsereka Pêroyî yê DEM Partî Tulay Hatîmogullari, aktîvîstê TJA’yî, endamê Meclisê Ciwanan ê DEM Partî, temsîlkarê partîyanê sîyasî, rêxistinê sivîlî yê komelî û xeylê hemwelatî tewrê kombîyayîşî bîyê. Parlamentera DEM Partî yê Şirnexî Newroz Uysal Aslan metnê bi kurmanci yê deklarasyonê wend.
