Pêşengîya TJA’yî de cinîyan bi siloganê “Adirê Newroza ke ma Zekîye û Rahşanan girewto ma ey bi siloganê ‘azadî û demokrasîyî’ guj bikerê” Bircanê Ben û Senî yê qezaya Sûrî de adir tavîst.
Pêşengîya Têgêrayîşê Cinîyanê Azad (TJA)’yî de cinîyan bi siloganê “Adirê Newroza ke ma Zekîye û Rahşanan girewto ma ey bi siloganê ‘azadî û demokrasîyî’ guj bikerê” Bircanê Ben û Senî yê qezaya Sûrî de adir tavîst. Parlamenterê DEM Partîye, Hemşaredarê qezayanê Şaristanê Girdî yê Amedî Endemê rayberîya DBP û DEM Partiyê, temsilkarê sazîyanê sivîl û bi seyan kesî terba pîrozkerdena Newroze bî.
Pîrozkerdişê Newroze de siloganê “Bijî Serok Apo”, “Bijî Newroz”, “Bê Serok jiyan nabe”, “Ey Serok Newroza te pîroz be”, “Jin Jiyan Azadî”, “Yek e yek e yek e gelê Kurd yek e” ameyî berzkerdene. Marşê Çerxa Şoreşî hetê gêncan ra ame wendene. Cinî bi meşaleyan vejîyayî serê sûran û resmê reng bi rengî vejîyayî orte. Dima ra zî govende ameyê girewtene û kilamê Kurdî ameyî vatene.
Pîrozkerdene de Aktîvîsta TJA’yî Xecê Şahîn yew qiseykerdiş kerd. Xecê Şahîne Newroza Rayberê Şarê Kurd Abdullah Ocalanî û newroza heme şarê kurd pîroz kerd û maneyê Newroza 2026 ser vinerte.
Pîrozkerdene bi govend û siloganan ameyê qedênayene.
