Merkezê Çimdarîya Heqanê Merdiman ê Sûrîye (SOHR) da zanayene ke aşma kanûne de herêmanê cîya yê Sûrîye de encamê teqîyayîşê mayîn û mendeyanê şerî de 9 gede û cnîyêk zî tede 13 sîvîlan cuya xo vîndî kerda û 9ê ci gede 20 kesî birîndar bîyê.
Hedîseyê derheqê teqîyayîşê mayîn û mendeyanê şerî de mojnenê ke cayanê mendişî de de no tehluke hema zî dewam keno û beno sebebê mergî. Na rewşe riyê çinbîyayîşê tedbîranê cidî yê derheqê canêardişanê ewleyîya komelkî û pakkerdişê tehlukeyan de yena vînayene.
Merkezê Çimdarîya Heqanê Merdiman ê Sûrîye (SOHR) belge kerd ke aşma kanûne de herêman cîya yê Sûrîye de encamê teqîyayîşê mayîn û mendeyanê şerî de 9 gede û cinîyêk zî tede 13 sîvîlan cuya xo vîndî kerda û 9ê ci gede 20 kesî birîndar bîyê.
Merkezî eşkera kerd ke nê hedîseyî mojnenê ke riyê vilabîyayîşê mendeyanê şer û çinbîyayîşê tedbîranê tesîrdar ke herêmanê cîya yê Sûrîye de nê mendeyan pak bikerê, rewşa merdimîye û ewleyî çend qels a.
Goreyê eşkerayî aşma kanûne de herêmanê cîya yê Sûrîye de encamê teqîyayîşê mayîn û mendeyanê şerî de tayê hedîseyî ameyê vînayene. Nê hedîseyî Îdlîb de, dewanê Hama, Humus, Dêrezor, Heleb, Dera û herêmanê Siwêda de qewimîyayê. Teqîyayîşî demo ke sîvîlî rayîrî ra vîyareno, heywananê xo çernenê, xebatanê ramitişî kenê yan zî encamê bi mendeyanê şerî reyde kaykerdişî de ke welatijî nêzanê mendeyê şerî yê, înan de qewimîyenê.
