Komanê çekdaran ê îqtîdarê Şamî Tartus û Lazqîye de tewr tay 10 sivîlî remnayî. Ame parekerdene ke şêxê elewîyan Salih El Mensûr zî mîyanê nê kesan de yo.
Merkezê Çimdarîya Heqanê Merdiman ê Sûrîye (SOHR) da zanayene ke komanê çekdaran ê Wezîrîya Pawitişî û Wezîrîya Karanê Zereyî yê îqtîdarê Şamî Tartus û Lazqîye de eşt xeylê keyeyan ser.
Sereştişan de tewr tay 10 sivîlî ameyî remnayene.
Ame parekerdene ke şêxê elewîyan Salih El Mensûr zî pa kesanê bînan ameyo remnayene. Goreyê çimeyan hêzanê Şamî şêx û keyeyê ey rê heqaret kerdo, xîret kerd ke wesayîtê şêxî û endamanê bînan ê keyeyî biremnê la dewijan nêverdayo.
