Tehlîyeya girewteyî Adnan Çelebî reyna bi maneya “poşman nîyo” û “nêşîyo qawişê girewteyanê xoseran” 3 aşmî ameye taloqkerdene
Adnan Çelebî Hepisxaneyê Tîpê T yê Tokatî de yeno girewtene û cezaya ey 11ê êlule 2024î de qedîyaye. La Rayberîya Îdare û Muşahadeyî roja ke do Çelebî tehlîye bibîyêne, tehlîyeya ey 3 aşmî taloq kerd.
Çelebî 11ê kanûne de reyna vejîya hemverê rayberîye. Rayberîye na rey zî bi maneyanê sey “poşman nîyo” û “nêşîyo qawişê girewteyanê xoseran” tehlîyeya Çelebî 3 aşmî taloq kerd.
Derheqê Çelebîyî de
Adnan Çelebî 14ê êlule 1994î de qezaya Mûtkî ya Bêdlîsî de ame destbendkerdene. 14ê teşrîna verêne 1994î de bi îdiayanê “endamtîya rêxistine” û “xeripnayîşê yewîya dewlete” cezaya muebede girewte.
