Pêwa ke cezaya xo qedîyaya zî, sîyasetmedara tepişte Filiz Işik ke zêdeyêr panc serran o tepişte ya, hetê Heyetê Îdareyê Zîndanî û Çimdarî ra bi sebebê “odayêka terefgire de ya” semedê şeş aşman veradayîşê aye taloq kerd.
Filiz Işik ke nika Zîndanê Cinîyan ê Girewteyê Amedî de ya, hetê Dadgeha Cezaya Giran ya 2ine ya Mêrdînî ra bi baxaneyê “endamîya rêxistinê” şeş serrî, des aşmî û pancîyes rojî cezaya zîndanî aye ra ameye birnayîş. Dimayê ke zêdeyêr di serran zîndan de menda, cezaya aye peynî bîye û nika panc serrî û di aşmî zîndan de ya.
Dimayê ke veradayîşê aye, ke semedê hewteyê vîyarte ame plankerdiş, nêame dayîş, keyeyî îdareyê zîndanî die têkilî da ro. Labelê agahî înan rê nêame dayîş. Keyeyî tena telefonê hewteyî dir rewşe ra agahî girewt.
Filiz Işik dîyar kerde ke sebebê taloqkerdişê veradayîşê aye no yo ke aye rê ame vatene ke “ti odayêka terefgir de ya”.
