Temsîlkaranê Rojawanî bi selahîyetdaranê payeberzan ê Îngilîstan de pêvînayîş kerd.
Heyetêkê Rojawanê Kurdîstanî Îngilîstan de Wekîlê Partîya Federale ya Demokratîke Sammy Wilson, Temsîlkara Partîya Muahfezakare Caroline Dinenage, sîyasetmedar û dîplomatê verênî Lord Jay de pêvînayîş kerd.
Hemsereka Daîreyê Têkilîyanê Teberî yê Îdareyê Xoserî Îlham Ehmed, Hemserekê Nuştegehê Têkilîyan ê Meclîsê Sûrîyeya Demokratîke (MSD) Hesen Mihemed Elî zî mîyanê heyetî de ca girewt.
Pêvînayîş de kerdeyê çeteyanê dewleta tirke, hêrişê verba Awbendê Tişrînî ameyî erjnayene û her di terefan zî ard ziwan ke seba vindarnayîşê hêrişan ganî dewleta tirke rê teda bêra kerdene. Pêvînayîş de ame vatene ke ganî pêro teref û şarê Sûrîye tewrê Konferansê Neteweyî yê Sûrîye bibê û awankerdişê Sûrîyeya newîye de ca bigêrê.
Heyetê Rojawanî seba agêrayîşê koçberanê Efrînî û koçberanê înan veng da. Heyetê Rojawanî waşt ke heyetêko mîyanneteweyî Rojawan zîyaret bikero
Wekîl Wilsonî dîyar kerd ke ê amade yê ke heyetêkî bierşawê Rojawan û seba teqîbkerdişê serebûtanê herême Parlamentoyê Îngilîstanî de vajê.
Peynîya pêvînayîşî de her di terefan zî pare kerd ke ganî paştîdayîşê Sûrîye bêro zêdînayene û pirrengîya Sûrîye bipawîya.
