Temsîlkarê Rayberîya Xosere yê Herêma Kurdîstanî vengdayîş kerd û dîyar kerd ke Kobanî binê dorpêçêko gird de yo û vat: “Hewcedarîyê esasî yê cuye Kobanî de nêmendê. Ma girêdayeyê peymane yê, ganî dorpêçê serê Kobanî bêro wedaritene.”
No 21 rojî yo Kobanî binê dorpêçêko giran ê hêzanê Hêzê Hukmatê Demkî yê Sûrîye de yo û krîzêko merdimî redye rî bi rî yo. Heto bin ra bêvengîya sazgeh û rêxistananê mîyanneteweyî krîzê însanî xorînêr kena. Derheqê nê dorpêçê giran de temsîlkarê Rayberîya Xosere yê Herêma Kurdîstanî Mihemed Ala Rojnewsî rê qisey kerd û vengdayîşê wedaritişê dorpêçî kerd.
‘Şam berpirsîyarê dorpêçî yo’
Temsîlkarê Rayberîya Xosere yê Herêma Kurdîstanî Mihemed Alayî bale ante dorpêçê Kobanî ser o û vat: “Kobanî binê dorpêçê zaf hetî û giran de yo. Hewcedarîyê esasî yê cuye yê sey cereyan, awe û dermanî nêmendê. Yew madeyê peymane o yo ke no dorpêç wedarîyo. La heta nika bi ca nêameyo. No zî bêsamîmîyetîya Hukmatê Demkî yê Sûrîye mojneno.”
‘Anqara û Şam wazenê Kobanî binfînê’
Mihemed Alayî dîyar kerd ke ey girêdayeyê peymane yê û wina dewam kerd: “Sebeb no yo ke hukmatê Şara caardişê peymane de cidî nîyo. Canêardişê peymane de destê Tirkîya est o. Wazenê ke Kobanîya ke bîya sembolê xoverdayîşî bifînê. No seba înan tena xeyal o.”
‘Ruhê Kobanî yo xoverdayox û gandar do komployî binfîno’
Peynîya qiseykerdişê xo de Mihemed Alayî nê çîyî vatî: “Şarê Kobanî nimûneyê xoverdayîş û ruhê xoverdayîş o gandar o. Şarê Kobanî do tim xover bido. Nê hêrişê serê Rojava netîceyê komployêkê mîyanneteweyî yê ke wazenê netewa demokratîk çin bikerê.”
