Temsîlkar û rayberîyê sazîyan kesê ke netîceyê erdlerzê 6ê Sibata 2023î de cuya xo vînî kerd, Goristanê Yenîkoyî de ameyê yadkerdêne.
Kesê erdlerzê 6ê Sibata 2023î de cuya dest dayê, bi rayberîya Platformê Pawitişê Şaristan û Hetkarîya Amedî, Platformê Rayberîya Karedasatî û Hetkarîye (DMS) û Platformê Ked û Demokrasî ya Amedî Goristanê Yenîkoyî de ameyê yadkerdêne.
Hemserekê DMS’î Şerefxan Aydin, kesê erdlerz de cuya xo dest dayê yad kerdê. Wekîlê DEM Partîye yê Amedî Adalet Kaya zî çikê demê erdlerzî de qewimyayê ard vîr û da zanayiş ke zaf kesê seba serd, vêşanî cuya dest dayê û vîr ard ke peynîya erdlerzî ti gam nêameyê eştiş û va: “Ma do heqê mexdûrê erdlerzî her cayê de bipawê.”
Wekîlê CHP’î Sezgîn Tanrikulu zî ard ziwan ke seba erdlerzî yew wezîfedar nêameyî dariznayêne û vengê hetkarîye kerd. Beşdaran dima qerenfîl ronayê ser gorê kesê cuya xo dest dayê rê.
