Çalakwananê nobeta Awbendê Tişrînî vat: “Eke dişmen şer de israr keno ma do xoverdayişê xo berz bikerê. Ma isrardar ê, do tîya de bimanê û ser bikewê.”
Verba hêrişanê dewleta Tirke şar seba pawitişê Awbendê Tişrînî de xover dano. Nobeta şarî 9 rojî xo dima verdaye.
Şaro ke Kantonê Kobanê ra vejîyayo rayîr verê ci bi desan reyî ameyo girewtene û dîyayo bombayan ver.
Dewleta Tirke ancî şarê nobete da bombayan ver. Hêrişan de kesêk şehîd bi, çarê ci rojnamegerî 10 kesî birîndar bîyî.
Şarî şewe bi slogananê “Bijî Serok Apo” û “Bijî Berxwedana YPG” govende girewte û pare kerd ke bi qerardarî xo ver bidê.
Endamê Meclîsê Edaletî yê Kantonê Metînî pare kerd ke ê vera şerî nobete de yê û vat: “Ma sey konvoyêka pîle Kobanê ra ameyî. La dişmenî ancî hêrişê ma kerd. Eke dişmen şer de israr keno ma do xoverdayîşê xo Awbendê Tişrînî de berz bikerê. Ma isrardar ê, do tîya de bimanê û ser bikewê. Ma paştî danê şerwananê xo.”
