Têgêrayişê Cinîyan ê Azade (TJA) bi munasebeta 8ê Adare deklerasyonêk da û deklerasyon de ame vatene: “Ma verba qirkerdişê cinîyan serî hawanenê û verê xo danê azadîye! Bicuyo yewbînangirewtişê cinîyan, jin jiyan azadî”
Têgerayîşê Cinîyan ê Azade (TJA) bi munusebata 8ê Adare ya Roja Cinîyanê Kedkare beyanat da. Beyanat Odeya Endazyarê Makîne yê Amedî (MMO) ame dayene.
Beyanatê TJA’î wina yo:
“Ma na 8ê Adara 2025î verba qirkerdişê cinîyan serehawnanê û ma 8ê Adare bi şîara “Ma meşîyenê azadîye” û bi hêrsê xo yê verba pergalê mêrsalar û bi xoverdayişê xo de pêşwazî kenê. Xoverdayişê karkerê tekstîlî yê cinî verba kedwerderîye bi waştişê verba karê seyyewbînan maeşo seyyewbînan dayê destpêkerdiş ewro sedemê serehewanayişê heme cinîyê dinya yo. No edetîya ke Clarayan heta Rosayan bi kedê hezaran cinîye ameyo xulqkerdene roşnkerdişê rayîrê Têkoşînê Azadî yê Cinîyê Kurd domneno. Ma sey cinîyê kurd nê kulturê xoverdayişî yê ameyo xulqkerdene bi ziwan, kultur û nasnameyê xo newe ra awan kerd. Ma xelekê xoverdayişî ke Leyla Qasiman, heta Zarîfeyan, Sarayan, Sêvêyan, Arînan û bi hezaran cinîyê kurd awan kerda zêde bîyê.
Ma bi paradîgmaya xo ya demokratîk, ekolojîk û azadîwaşta cinîyê ke Birêz Abdullah Ocalan serî de Rojhîlato Mîyanên, pêşkêşî heme dinya kerd, ma do azadîye biqîrê. Demo ke şer, krîzê ekonomîye û qetlîmayê ser cinîyan de bi heme hetê xo domyeno, netîceyê têkoşînê şarê kurd û hêzê demokratîk û têkoşînê seba waştişê azadîya fizîkî ya Birêz Ocalan ame averberdene, bi Rayberê Şarê Kurd Abdullah Ocalan rê serdemêko newe destpê kerd.
Ma do cepheya cinîyan bi awayê tewro xurt bi rêxistin bikerê ke verba polîtîkayê şer, dagirkerî, asîmîlasyon û tecrîdê pêşengîya awankerdişê aştî bi rûmet rê bikerê. Ma do bi ziwanê xo ya dayîke, bi kultur û cîyayê xo cuyaya newe awan bikerê. Heta ke na cografya de aştîyêka bi rûmet awan biba, heta ke birêxistinbîyayişê ma bibo azadîya ma, hetanî ke cinîyêk û domanêk bi tena zî nerê qetilkerdiş, ma do qadan de bibê, heta ke ma coşê xo yê xoverdayişê heme qadê cuya yê komelî de vila bikerê. Ma verba qirkerdişê cinîyan serî hawanenê û verê xo danê azadîye! Bicuyo yewbînangirewtişê cinîyan, jin jiyan azadî”
