Têgêrayîşê Cinîyanê Kurdan ê Ewropayî (TJK-E) venga pêro cinîyan kerd ke hemverê cezaya îdamî yê hemverê cinîyanê aktîvîst yê Îranî, vengê xo berz bikerê.
TJK-E’yî dimayê tesdîqkerdişê cezaya îdamî ya cinîya aktîvîste Şerîfe Muhammedî rê amî birnayîş, eşkerayî da.
Tehran de serra 2022ine de cinîya ciwane ya kurde Jîna Emînî hetê hêzê dewleta Îranî ra amî qetilkerdiş. Hemverê nê de protesto û çalakî ameyî organîzekerdiş, Şerîfe Muhammedî zî semedo ke tewrê çalakîyan bî, serra 2023ine de hetê hêzê rejîmî ra amî tepiştiş û Dadgeha Berzî ya Îranî semedê aye qerarê îdamî da. Qerarê îdamî teşrîna verêne 2024ine de amebî betalkerdiş, la rojê vîyarte de reyke bîn amî tesdîqkerdiş.
TJK-E’yî ard ziwan ke dewleta Îranî wazena her kesê ke beşdarê nê çalakîyan bîyê, bi îdam bitersno û va, “Ma qerarê rejîmê molla qebûl nêkenê û semedê lezkî fek nê qerarî ra vera bido, ma venga sazgehê mîyanneteweyî kenê ke berpirsyarî bigîrê. Ma Şerîfe Muhammedî dir ê. Azadîya Şerîfe Muhammedî azadiya pêro cinîyan a û ma venga pêro cinîyan kenê ke nê qerarî ra vajê VINDE û vengê xo berz bikerê.”
