Goreyê agahîyanê medyaya Amerîka Serekê Dewletanê Yewbîyayeyan ê Amerîka (DYA) Donald Trump bi telefonî Mesûd Barzanî û Bafil Talabanî reyde qisey kerdo.
Keyepelê Axios yê Amerîka dîyar kerd ke Donald Trump bi telefon Serekê PDK’yî Mesûd Barzanî û Serekê YNK’yî Bafil Talabanî reyde qisey kerd. Sewbîna ame vatene ke telefonî de lazimtîyê şerê hempar ê Amerîka û Îsraîlî yê ke vera Îranî domnenê, ameyê qiseykerdene.
Agahîyan de yeno dîyarkerdene ke hîrê çimeyanê haydar keyepelê medya rê dîyar kerdo ke no pêvînayîşo bi telefon bombebaranî ra rojêk ra pey ameyo kerdene.
Verfekê Qesra Spî Carolîne Leavitte zî qiseykerdişê xo yê medya de eşkera kerd ke Serekê DYA’yî Trump dimayê destpêkerdişê şerî xeylê hemparanê herême reyde pêvînayîş kerdo.
Goreyê agahîyan keyepelî herême de bi hezaran leşkerê perwerdekerde yê kurdan sînoranê Îran û Îraqî de est ê û ê kontrolê cayanê stratejîk kenê ke eşkenê demê girdkerdişê şerî de rolêko sereke kay bikerê.
Keyepelê Axiosî dîyar keno ke têkilîyê kurdan, kurdanê Îranî reyde zaf baş ê, no zî hetê Amerîka û Îsraîlî ra nêzdî ra yenê taqîbkerdene.
Çimeyanê keyepelê Axiosî ra yewî vato ke Trump hem serekanê partîyanê kurd, hem zî Erdoganî reyde qisey keno.
