Qadanê şaristanan ê Amed, Wan, Silêmanîye, Hesekê, Dêrik, Kobanê, Heleb, Qamişlo û xeylê merkezanê bînan de seba vengdayîşo tarixî amadekarîyî yenê kerdene. Amadekarî ver bi qedîyayîşî şonê.
Qadê Şaristanî (Kent Meydanı) Wanî de ke vengdayîşo tarixî yê Rayberê PKK’yî Abdullah Ocalanî ekranê girdî de bêro temaşekerdene, amadekarî ver bi qedîyayîş ê. Wan de vewra ke vizêr dest bi varayîşî kerd hema zî tesîrê xo dewam kenê. Ekîbê Şaredarîya Rêya Armûşî seba pakkerdişê vewra ke tayê cayan 30 santîmetreyî vîyarta, seferber bîyê. Qadê Şaristanî (Kent Meydani) ke do vengdayîşo tarixî bêro temaşekerdene yeno pakkerdene.
Amed
Amed de zî Qadê Şêx Seîd (Qadê Berê Koyî) de amadekarî yenê kerdene. Yeno zanayene ke bi se hezaran merdimê ke Şirnex, Riha, Mêrdîn, Êlih, Sêrt û şaristananê derûdorî ra yenê Amed do qadî de kom bibê. Yeno zanayene ke do zafêrî des hezaran kesî do qadî de kom bibê û mesajê goşdarî bikerê. Amadekarîya qadî ya Şêx Seîdî dewam kenê.
Vakur û Rojhelatê Sûrîye do 7 qadan de mesaj bêro temaşekerdene
Vakur û Rojhelatê Sûrîye de zî 7 merkezan de seba temaşekerdiş û goşdarîkerdişî ekranê girdî yenê ronayene. Bi hezaran kesî do merkezan de mesajî goşdarî bikerê. Qamişlo, Hesekê, Dêrik, Reqa, Tebqa, Kobanê û Heleb de amadekarî ameyê destpêkerdene û ekranê girdî yenê ronayene. Goreyê melumatanê ke komîteyanê amadekaran dayê, do girse saet 16:00î ra biherikîyo qadanê ke ameyê dîyarkerdene.
Qadê ke do ekranê girdî bêrê ronayene wina yê:
Silêmanîye
Ca: Parka Azadîye
Qamişlo
Ca: Stadyumê Şehîdanê 12ê Adare
Saete: 16:00
Hesekê
Ca: Parka 4ê Nîsane
Saete: 16:00
Dêrik
Ca: Parka Azadiye
Saet: 16:00
Tebqa
Şaristanê Tebqa de do 2 cayanê cîyayan de ekranê bêrê ronayene
Cayêk Stadyumê Werzîşî yê El Îttihadî yo.
Cayo diyîn zî Şaristanê Werzîşê ke koçberê Efrîn û Şehbayê tede manenê.
Reqa
Ca: Stadyumê Şaredarîye
Saet: 16:00
Kobanê
Ca: Meydanê Jina Azad
Saet: 16:00
Heleb
Ca: Meydanê El-Zeytunî
Saet: 16:00
Mexmûr
Ca: Navenda Çand û Hunerê (Merkezê Kultur û Hunerî)
