Dondu Kurşunoglu va ke îqtîdar çarçewaya serra keyeyî de gaman bierzo zî semedê cinîyan bîya serra xoverdayîşî û va: “Welat de feqîrî, şîdet est o. Cinî cuyêke merdimayî wazenê. Serra keyeyî nê, serra xoverdayîşê cinî.”
Endama Platformê Cinîyan Dondu Kurşunoglu derheqê vatişê îqtîdarî yê ke şîdetê cinîyan ser giran keno û polîtîkayê ci ercna.
Dondu Kurşunoglu dîyar kerd ke şîdetê cinîyan ser semedê polîtîkayê bêcezaverdayîşî giran beno û wina va: “Polîtîkaya bîn zî feqîrî ya. Serra peyîn, serra keyeyî îlan kerdî. AKP bi serran o hemverê destkewtişê cinîyan, paketê hukmî vejeno û heqê înan xesp keno. Roje de hîrê cinî yenê qetilkerdiş. Desteştişî û îstîmar est o. AKP 2020îne de Peymana Stenbolî fesh kerd û wareyê heqê nefeqeyî de hîn projeyan kerd cuye. Hemverê heqê şuxilnayîşê peynameyê cinîyan zî qerarê betalkerdişî hetê dadgeha desturê bingehîn ra ame dayîş. Eynî wextî de cinîyê ke pawitişê cewherî kenê yenê cezakerdiş la şikdarê şîdetî bi cezayê sey xelate yenê cezakerdiş.”
‘Îqtîdar sîstemê sermayî keda cinîyan ser o awan keno’
Dondu Kurşunoglu dîyar kerd ke îqtîdar sîstemê sermayeyî keda cinî ser o awan keno û va: “Îzmîr de cinîya ke kaxid kom kerdêne, 5 tutanê xo keye de verda û tutê aye şewato ke vejîya de dinyaya xo bedelnayî. Ma polîtîkaya feqîrî tîya de vînenê. Feqîrî tewr zêde tesîr cinîyan ser o kena. Îqtîdar sîstemê sermayî cinîyan ser o awan keno.”
Şîdet dewam keno
Dondu Kurşunoglu bale ant serra keyeyî ke îqtîdarî îlan kerdo û va hemverê nê de emser bîyo serra xoverdayîşî û wina va: “Welat de feqîrî, şîdet est o. Cinî cuyêka merdimayî wazenê. Îqtîdar çiqas vajo şîdetê cinîyan ser o sifir tolerans, no raştî nêmojneno ra. Serra keyeyî nê, serra xoverdayîşê cinîyan o. Ma do têkoşînê xo dewam bikerê. Cinîyê ke nêeşkenê xo biresnê heqê weşîye, ferzkerdişî welidnayîşê normal zî qebûl nêkenê.”
