Komanê çekdaran ê ke besteyê Hukmatê Demkî yê Sûriye yê, hêrişê taxanê Şêx Meqsûd û Eşrefiye yê Helebî kerd.
Hêrişê komanê ke besteyê Hukmatê Demkî yê Sûriye yê, vera taxanê Şêx Meqsûd û Eşrefiye yê Helebî ke tede zafêr Kurdî ciwîyenê, dewam kenê. Komanê çekdaran saetanê şewe de bi çekanê giranan dest bi hêrişêkê bînî kerd.
Hêzanê Asayîşî yê Helebî da zanayene ke Hukmatê Demkî mesulê hêrişan o û na rewşe şermezar kerde.
Eynî wext de, fotografê ke medyaya sosyale de vila bîyê, nîşan danê ke komanê çekdaran wesayîtê zirxînî yê giranî, sey tankan, dormeyê her di taxan de ca kerdê.
