Rojavayê Kurdîstanî de vewra ke vizêr şandî ra varena, dewe û şaristanê herême binê vewre de verdayê. Varayîşê vewre reyde rewşa koçberan zî giranêr bîye.
Goreyê xebera Ajansê Xeberan ê Hawarî (ANHA) Rojavayê Kurdîstanî vizêr şandî ra vewre varena. Varayîşê vewre reyde astengî cuya rojanede vejîyayê orte. Herêmê Rojava ke serranê verênan de vewre kêmî varayêne, bi varayîşê vewra zafe rojanê awarte ciwîyenê.
Serd û varayîşê vewre reyde rewşa heyatî ya se hezar koçberan ke riyê hêrişan ra bêçare mendê ke keyeyanê xo veradê, xirabêr kerd.
