Rayberê PKK’î Abdullah Ocalan mîyanê tecrîdî de xover dano. Seba tecrîd vedarîyo, hetanî nika zaf kesê bi çalakîya xoveşnayişî cuya xo dayê, nê kesan ra yew zî Veysî Taş o û demê çalakîya xo zî Veysî Taş vano; na çalakîya mi sîyasî ya.
Rayberê PKK’î 9ê Citmenge sifte Sûrîyeye ra ame vetiş peynî zî 15ê Sibate de bi komployêk ame girewtiş û nika Îmraliyî de mîyanê seba çareserîya problemê kurd xover dano. Rojhîlato Mîyanên de zaf hûmarî de şar, Abdullah Ocalan xo ra rayber vînenê. No ser serra 1999î ra nika çalakîyê tewir bi tewir tecrîdî ser yenê kerdiş.
Çalakîyêka bîn zî xoveşnayiş a, hetanî nika pêroyîya Tirkîya de 44 hepsîyê PKK’î xo veşnayê û înan ra 12ê ci cuya xo dayê, hewna teberê Tirkîya zî 16 kesê seba protestoyê tecrîdî xo veşnayê. Sey çalakgerêko xoveşnayo yew zî Veysî Taş (Bubo) o.
Veysî Taş (Bubo) demê Darbeya 12ê Elûle ya serra 1980î, Hepisxaneyê Amedî de mend û no dem senî zaf hûmarî de sîyasetmedarê Kurd ra îşkence ame kerdiş Veysî Taşî ra wina îşkenceyê giran ame kerdiş. Emrê Veysî Taşî hepisxane de vîyart, Sîteya Sanayî ya Şenikî ya Artuklî ya Mêrdînî de destpê karê nobedarî kerd. Veysî Taş demê karî de zî laşê xo da ver adirî.
Ez to tecrîdê Îmraliyî protesto bikera
Verê çalakîya xo Veysî Taş vîdeoyêk ant û vîdoe de wîna va: “Sey vatişê Musa Anterî hem şahîdî hem zî versucî na dewa ya. Bi serran a ke ez têkoşîn dana, emrê min zî wina vîyart. Ez emşo laşê xo dano ver adirî, do tecrîdê Îmraliyî protesto bikera. Wa doman û warzayê mi xo ra bawer bibê, ez merdimo basît nîya. Ez seba Serekê Kurdistanî canê xo dana. Seba ez îxtîyar bîya nêeşkena çik bika. Rayberî bi serran a têkoşîn dana. Ez vengê şarê Kurd kena, ganî wa yewbînan ra paşt bidê. Tecrîd lanet kena, ganî ma wayîrê serekê xo bivejê, ciwan û cinîyanê kurdan ra waştişê mi wina yo. Heme torn û domananê xo hes kena û wa birayanê mi zî doman û tornê mi ra wayîr bivejê.”
Veysî Taş vîdeo de qiseyê xo ra wina dewam keno: “Kênayê mi, pîyê şima merdimêko bi şerefî yo. Pîyê şima, şima rê lêşînî nêard, pere û mal, milk çik nîyê. Heme bi mergî şonê, senî cuya weş a, merg zî wina weş a. Peynîya mi zilgitan biqîrê, çimkî mi şima rê rayîrê şeref û namusî akerd. Ez bi huyayişî şona, çalakîya mi sîyasî ya.”
Merdimêko fedakar û aqilmend bî
Kam Veysî Taş şinasnayo, heqê ci de weş qise kerdo, Taş merdimo bi aqil bî. Fedakar bî, qet fekê xebate ra veranêdaynê. Merdimo zerrîpak û durust bî. Çarçiweya nê raştîyan zî merdiman rêxistin kerdinî. Armancê ey averberdişê şarê xo bî. No ser doman û malbatê xo nêdîynî. Her tim mîyanê xebatan de bî. Bi zerrî ra xebatê xo kerdinî, qet nêwaştinî kêmaney bibo. Demo ke kêmaney kewtinî û kesêk ci rexne kerdî, kêfweş biynî. Çimkî zanaynî rexne merdim pîlî keno û aver beno.
Xeyrî Durmûş, Veytaş Taş reyde elaqadar bîynî
Veysî Taş demê Darbeya 12ê Elûle ya serra 1980î de Hepisxaneyê Amedî de mend, xususî binê tesîrê Xeyrî Durmuşî de mend, çimkî Xeyrî Durmuş her tim ci reyde elaqadar bîynî. Xeyrî Durmuş qet, Veysî Taş tena nêvaradaynî, no ser cuyaya Veysî Taşî de her çik yewbînan ra girêdaye bî. Peynîya Xepisxaneyê Amedî Veysî Taş, qet seba xo cuya nêkerd, seba xo cuyayêk awan nêkerd.
Wa rêgezê newe awan bikê
Rayberê PKK’î Abdullah Ocalan kesê ke seba ey xoveşnayî ser o wina vato: “Nê mergan hem malbatan hem zî mi ra zirarê girde dayê. No raşt nîyo, no ser ganî rêgezê newe awan bikê. Wa teber de rêxistinîya xo bi hêz bikê. bi rêzego raşt yanî reaksîyonê xo bi demokratîke nîşan bidê. Ez veng dana çalakîya xoveşnayişî ganî nîro kerdiş, heme çalakgeran ra silam kena. Ez sey talîmat no vengî dana.”
