‘Wa 2025 omid, heskerdiş, weşî û kêfweşîye bîyaro”

Heyetê Federasyonê Yewîye yê Elewî yê Almanya (AABF) seba serraneweyî mesajêk bar kerd

Heyetê Federasyonê Yewîye yê Elewî yê Almanya (AABF) seba serraneweyî waştişê xo komel reyde bar kerd.
Mesaj bi nameyê Pîr Celal Keykubat ame weşanayene. Mesaj de wina ame vatiş: “Serra 2024î de dem bî ma kêfweş bîyê, dem bî ma xembîn bîyê. Canê erjîya ma demê zehmetî ra vîyarenê, çi heyfo ke ma tewir bi tewir dejî antê. Homa êdî nê dejan nêdo ciwîyayîş. Cuye de hetê dejî, kêfweşî zî esto. Homa domananê şima, şima rê bibexişno, dert bido la derman zî bido, nêweşan ra zî şîfa bido.”

Mesaj wina qedîya: “Çi zerrîya şima de esto Homa qebul biko. Zerrîya şima wa derd, xem û keder nêvîna. Homa sifrayê şima bi bereket biko. Wa 2025 omid, heskerdiş, weşî û kêfweşîye bîyaro.”