Platformê Elewîyan ê Edeneyî vera hêrişê ser Durzîyan ê Sûrîye de veng da ke korîdorê hetkarîya merdimîye bêro akerdene.
Platformê Elewîyan ê Edeneyî, vera qetlîamanê ser Durzîyan ê Sûrîye de Merkezê Kulturî yê Salman-î Pakî de beyanat da. Zaf temsîlkarê partîyanê sîyasîyan û sazîyanê komelkî yê ke şaristan de yê, beşdarê beyanat bîyî. Serekê Komela Hetkarîya Elewîyanê Şarê Ereban (AHAD) Hamît Karaogullarindan, vera qetlîamî û bêvengîya raya mîyanneteweyîye rê bertek nîşan da û vengê hîsgerîye da.
Polîtîkayê qirkerdişî
Vekîlê Verfekê Demî yê Platformê Elewîyan ê Edeneyî Cemal Yagmur, beyanatê pîya wend û destnîşan kerd ke bêvengîya vera qetlîamî, hemkarîya qetlîamî ya.
Cemal Yagmur wina va: “Elewî, xirîstiyan, durzî demê cîya cîya de ameyî hedefgirewtene. Nê hêrişî tena vera bawerîyan nîyê, vera bîyayîşê dîrokî yê şaran û îradeya cuyayîşê pîya yê. Ma her tewir qetlîamê vera şaran, lanet kenê. Elewî, xirîstiyan, durzî, sunî, kurd, ereb, suryan dişmen nîyê, serê nê axê de birayê yewbînan ê hezar serran ê.”
