Avûkatê ÎHD’î Ahmet Arikan ê sînorê Nisêbîn-Qamişloyî de beşdarî çalakîya nobedî bîyo û wina vat: “Wa Tirkîya fobîya Kurdî ra xeles biba. Merdim nêeşkeno seserra 21î de ser esasê tirsî xeyal bikero.”
Hêriş û gefê Tirkîya û çekdarê giredayê Artêşa Niştimanî ya Sûrîye (ANS) verba Sûrîyeya Rojhilat û Bakûrî de dewam kenê. Verba na rewşe de 13ê kanûne ser sînorê Qamişlo yê qezaya Nisêbînî ya Mêrdînî de çalakîya nobedî ameybî destpêkerdiş.
Çalakî roja 16. de dewam kena. Çalakî ra zaf zaf sîyasetmedar, cinî, ciwan, rêxistinê sivîl û avûkatê heqê merdiman hetkarî danê. Kesê beşdarî xoverdayişê ser sînorî bîyê yew zî avûkat Ahmet Arikan o û Arikan rewşa peynî ser o qise kerd.
Avûkat Ahmet Arikan bal ant ser serdemê newe yê açaryayişê verba binpêkerdişê heqê merdiman berpirsyarîyê gird ê rêxistinê heqê merdiman estê û wina vat: “Ma seba verê binpêkerdişê heqê merdiman ê peynî rijyayişê pergalî bi awanbîyayişê newe ameyo awankerdiş ra bigê, ma ewta de yê. Vengê ma rêxistinê mîyanêneteweyî, sazîyê ke hetê pêameyişê mîyanêneteweyî yê û huquqê merdimeyî pawiyenê, wa verê binpêkerdişê heqê merdiman bigê.”
Pergalê Rojawanî muhîm o
Arikan dîyar kerd ke wa pergalê Sûrîyeya Rojhilat û Bakûr bêro pawitiş û wina qedîna: “Eke Tirkîya Kurdê ewta cuyenê sey welatij vînena, wa Rojawan de zî ser esasê hemwelatijî şîrove bika. Wa Tirkîya fobîya Kurdî ra xeles biba. Merdim nêeşkeno seserra 21î de ser esasê tirsî xeyal bikero.”
