Walîyê Hesekê Nûredîn Îsa Ehmed bi amadebîyayîşê Hêzanê Asayîşî bi heyetê risîpî yê şaristanê Hesekê reyde kom bî.
Walîyê Hesekê Nûredîn Îsa Ehmed banê Wilayetî de pêşwazîyê heyetê rîsipî ê kurd û ereb yê şaristanê Hesekê kerd. Nûredîn Îsa Ehmed û heyetê rîsipî yê ereb û kurdî rewşa pêyêne yê Hesekê girewte dest. Pevînayîş de rayberê Hêzê Asayîşî Mehmûd Xelîl Elî hedre bî.
Nûredîn Îsa Ehmed dîyar kerd ke yewîye, asayîş û rûmetê welatijan û xizmetê şarî, xebatê înan a sereke ya o do bibo walîyê şarê heme şaristanî, temsîlîyet û mezheban û vat: “No kar û gure emanetêko milê ma de yo. Ma homayî ra hêvî kenê ke ma serkewte bikero û xeyr û weşîye bido welat.”
Rîsipîyan zî Nûredîn Îsa seba mîsyonê ey walîtî pîroz kerd û hêvîya serkewtine ey rê waşt. Goreyê agahîyê çimeyanê ke daye ANHA’yî do fermandarê Hêzanê Asayîşî Zereyî yê Hesekê Mervan El Elî yê ke hetê hukmatê demkî ra ameyo tayînkerdene, do zîyaretê walî Nûredîn Îsa Ehmed bikero.
