Walîyê Silêmanîyê Heval Ebûbekîr û heyeto ke ey reyde seba Newroze ameyê Amed, Rêxistina Şaristanî yê DEM Partî û Şaredarîya Şaristanî Amedî ya Girdî zîyaret kerd.

Walîyê Silêmanîyê Heval Ebûbekîr û heyeto ke ey reyde seba ke tewrê pîrozbayîya Newroza ke do siba Amed de bêra pîrozkerdene, ameyê şaristanî. Heyet Rêxistina Şaristan yê Partîya Têduştî û Demokrasî ya Şaran (DEM Partî) û Şaredarîya Şaristanî Amedî ya Girdî zîyaret kerd. Walî Ebûbekîr ewil Rêxistina DEM Partî zîyaret kerd. Dima şaredarî zîyaret kerd. Hemşaredar Dogan Hatun walî Ebûbekîr pêşwazî kerd. Zîyaretî de derheqê hedîseyanê demo peyênî de ame qiseykerdene.