Endamê Meclîsê Temsîlkaran ê Amerîkayî Robert Garciayî dîyar kerd ke Wezaretê Edaletî yê Amerîkayî belgeyanê muhîm ê FBI’yî de îdiayê derheqê Serekê Amerîkayî Donald Trump û Epsteinî de nimitê.
Endamê Meclisê Temsîlkaran ê Amerîkayî Robert Garciayî dîyar kerd ke Wezaretê Edaletî bi nimitişê belgeyanê îdiayê derheqê destdergîya gedeyanê qij ê Donald Trumpî, endîşeyê nimitene yê Qesra Sipî zêde kerdê.
Demokratê Payeberzî yê Komîteyê Çimdarî yê Meclisê Temsîlkaran ê Amerîkayî Robert Garcia Wezaretê Edaletî bi nimitişê belgeyan destdergîya Trump sucdar kerd. Robert Garcia vat ke Wezaretê Edaletî qeydê roportajê ke yê FBI’yî cinîyêk reyde amebî viraştene û roportaj de serê destdergîya Serekê Amerîkayî Donald Trump yê destdergîya gedeyan amebî nimitene. Eynî belge mîyanê zêdetirê 3 mîlyon belgeyê ke ameyê parekerdene de nêameyê vilakerdene cayê ey ameya nimitene.
Demokratê Payeberzî Temsîlkar Robert Garcia vat ke ey naye bi raporê medya teyît kerdê ke belgeyê derheqê Jeffrey Epstein de mîyanê belgeyê ke ameyê parekerdene ra vetê.
Sewbîna zî Garcia vîr vist ke FBI’yî îdiayê ciddî girewtê dest û cinîyêk reyde çar reyan roportaj viraştê û da zanayene ke tena roportajo yewin ameyo weşanayene, roportajo ke ameyo weşanayene de derheqê Trump de tu agahî çin a.
Garciayî derheqê nimitişî de mektubêk Wezaretê Edaletî rê erşaweno. Temsîlkar mektube de vano nimitişê belgeyan fikarê nimitena destdergîya yê Qesra Sipî zêde keno.
Wezaretê Edaletî cewabê îdiayan de ard ziwan eke belgeyê ke mendê yê derheqê serebûtê Epstein yê îdiayê nimitişî bibê, wextêko bêro dîyayîş û munasib bêro vînayene do bêrê weşanayene. Sewbîna zî Wezaretê Edaletî yê Amerîkayî hişyarî da û vat ke vera Trump îdiayê bêbingeyî est ê.
Delîl û şahidîya mehkemekerdişê serra 2021î yê hemparê Epstein de Ghislaine Maxwell ra ameyê pêşkeşkerdene de aseno ke Trump zaf reyan bi teyareyê Epstein gêrayo. Epstein meîleke de wina nustbî: Trump kênan ra hayîdar bî.”
