Wezaretê Karê Teberî yê Îngîlîstanî dîyar kerd ke înan waşto ke averşîyayîşê hêzanê hukmatê demkî yê Şamî yê ver bi Rojava vindero û şar bêro pawitene.
Wezaretê Karê Teberî yê Îngîlîstanî agahî da ke înan seba seba goreyê adirbestîye bêro têwgêrayene, vindarnayîşê averşîyayîşê hêzanê hukmatî yê vera Rojava, pawitişê sîvîlan û temînkerdişê gêrayîşê bêastengî yê hetkarîya însanîye veng dayo.
Eşkerayîye de ame vatene ke hewteyê peyênan de heme Rojava de pêkewtişî zêde bîyî û mabênê hetan de pêameyîşê adirbestîye ameyî temînkerdene. Îngîlîstan wazeno ke nê adirbestîye bipawîyo û herême de şîdet biqedîyo.
Wezîrê Dewlete yê Berpirsîyarê Rojhelatê Mîyanênî Hamîş Falconerî 20ê çeleyî de vengdayîş kerdbî seba vindarnayîşê averşîyayîşê hêzanê hukmatê Sûrîye yê vera Roajwanî û hewanayîşê astengan ê vernîya çalakîyanê hetkarîya însanîye.
‘Ganî rayîrê hetkarîya însanîye abîyo’
Wezaretî îfade kerd ke ê wazenê goreyê pêameyîşê adirbestîye hareket bêro kerdene, qedîyayîşê şîdetî, derheqê îdareyê kampan û merkezanê destbendkerdişî de viraştişê planê vîyartişî yê xurtî, pawitişê sîvîlan û temînkerdişê emnîyetê sivîlan bivînê.
