Wezaretê Pawitişî yê Tirkîya dîyar kerd ke ê do netîceyê pêkerdişê mabênê HSD û Sûrîye ra biewnîyê û vat ke do heyetêk şêro Sûrîye.
Verfekê Pêwendîyanê Çapemenî û Şarî yê Wezaretê Pawitişî Tugamîral Zekî Akturk derheqê pêkerdişê mabênê Hêzanê Sûrîya Demokratîke (HSD) û Sûrîye de beyanat da.
Tugamîral Akturk kombîyayîşê xo yê hewtane de qisey kerd û wina vat: “Ma do pêkerdişo ke ameyo kerdene ra biewnîyê ke do senî bêra caardene û do tesîrê ci herême ser o senî bibê. Netîceyanê ey ê pozîtîf û negatîfan ma do nêzdî ra teqîb bikerê. Hetê sîyasî û herre ra yewbîyayîşê Sûrîye ser o fikrê ma û qerardarîya ma de çîyêk nêbedilîyayo.”
Akturk dîyar kerd ke rojanê vernîya ma de do heyetêko leşkerî yê wezaretî, Sûrîye zîyaret bikero.
