Wezîrê Edaletî Yilmaz Tunçî derheqê pêvînayîşê xo û Heyetê DEM Partî yê Îmrali ser va ma prosesî ser û raporo ke komîsyonê meclîsî hadre keno xerîta raye ser qisey kerd. Wezîrî va ma serê gamê ke bêrê eştene înan ser zî qisey kerd.
Wezîrê Edaletî Yilmaz Tunçî, pêvînayê Endamê Heyetê Îmrali yê Partîya Têduştî û Demokrasîyî ya Şaran (DEM Partî) Pervîn Buldan, Mîthat Sancar û Endamê Buroya Huquqî yê Seserre Faîk Ozgur Erolî ra dima hesabê xo sanalî de nuşteyê pare kerde.
Tunçî parekerdena xo de da zanitene ke pêvînayîşî de prosesî ser hîra hîra ameyê vindertene, proses rayberîya Serekkomar Tayyîp Erdoğanî û sazîyanê dewlete mîyande bi koordîne rayera şono. Tunç, “Xerîtaya raye yê Komîsyonê Wayîûbiratî û Demokrasî û gamê ke bêrê eştene ser ma hîra hîra qisey kerd. Waştena ma pêrûne seba rojanê rindana, aramî û asayîşê xortan, domanan û şarê ma ya.”
