Endamê Konseya Rayberdişî ya KCKyî Xebat Andokî ard ziwan ke AKP’yî her çî kerdo bêkalîte û na bêkalîteyîye bi rayîrê medya komelî rê yena vilakerdene, şarî jehr kena û vat,”Eke hinî nêwazenê problemê beka biciwîye, gerek verî ziwan de werêameyîş bibo.”
Endamê Konseya Rayberdişî ya KCK’yî Xebat Andokî derheqê rojdemî de Medya Haber TV’yî de cewab da persanê Erdal Erî.
Xebat Andokî xebere û analîzê ke çapemenîya herêmî û neteweyî de derheqê KCK’yî de vejîyayî girewtî dest, nê vatî: “Rîyê paradîgmaya Rayber Apoyî ra Têgêrayîşê Azadîye yê Kurdîstanî çapemenî de zaf ca geno. Esas azadîya ma eslê xo de Rayberîya ma yo. Rayberîye semedê her hetî projeyan teqdîm keno. Çend şino tesîrê Rayberîye beno girdêr, vila beno. Ma averşîyayîşan teqîp kenê. Ma semedê estbîyayîşê xo têkoşîno çekdar vîjna. No metod mecburîye ra ame vîjnayene. Xora hetê ma yo leşkerî est o. Seba ke ma estbîyayîşê xo bîgirê binê garantî çîyo ke destê ma ra ame ma kerd. Xora ma no têkoşîn zî bi hêzê îdeolojî kerd. Ma têgêrayîşê perwerde, munaqeşekerdiş, huner û kulturî yê.
Medyayê îqtîdarî çarçeweya îdeoljîya fermî de weşan keno, goreyê dengeyanê hêzî pozîsyon geno. No sîstemê îqtîdarî senî tesîrê ma keno. Estbîyayîşê ma çîn o. Nasnameyê ma çîn o. Semedê asîmîlekerdişî pêro îmkanî yenê şuxulnayene. Qet çîyêkî yo ke ti keno ti, nîno qebulkerdene. Derdê ma o yo ke na estbîyayîş kurdan bîgirê binê kontrolî, kurdî sey kurdan herra xo de bieşkê biciwîyê. Medya vervatoxîya nê kena. No proses netîceyêk o. Medyaya ke nizdîyê îqtîdarî ya raştîye nimnena. Programê înan têna zûran vanê, zirar danê komelî. Heta ke meseleya kurdan nêro çareserkerdene demokratîkbîyayîş nêbeno.
Rojhelatê Mîyanênî bedilyeno. Ma bedilyayî. PKK ame feskerdene, têkoşîno çekdar qedîya. Ma wazenê Tirkîya bibo dewleta huqûqî. Rayberîya ma nê îzah kerdî. Ma Îmrali ra zanê ke huqûq çîn o. Kurd çîn o ke wayûbiratîya ci bibo. Dewlete kurdan sey problemê estbîyayîşê xo hesibnena. Sûcê vera kurdan serbest ê. Ziwanê medya bêbawerîye xorînêr keno.
Eke ti haştîye wazenî verî xorexnekerdişê xo bidê. Nê qiseykerdoxan bibedilnê. Medya gerek bi ziwanê nermî xîtabê kurdan bikero. Eke raşta haştîye wazenê, eke wazenê prosesê haştîye û komelê demokratîkî de yewîya şaran ronê, wazenê meseleya kurdan bêro çareserkerdene gerek vera komelê kurdan ziwanê xo bibedilnê. Ziwanê haştîye hewce keno. Verî gerek ziwanê medya bêro bedilnayene. Gerek ziwanê Çapemenîya Azade bêro înşakerdene.
AKP’yî her çî kerdo bêkalîte û na bêkalîteyîye bi rayîrê medya komelî rê yena vilakerdene û şarî jehr kena. Eke hinî nêwazenê problemê beka biciwîye, gerek verî ziwan de werêameyîş bibo. Gerek Tirkîya de pêro nuştox, roşnvîr, rojnameger, akademîsyen û pêro kesê sey înan ke demokrasîyî wazenê pêro pîya wayîrê prosesê haştîye û komelê demokratîkî bivejê. Wîna nêbo nêbeno. Bê nînan nêbeno.”
