Xeberdara wisarî vilika nêrgize emserre lez akerd. Verba akerdişê vilika nêrgize de zî şar matmayî mend.
Vilika nêrgize, sey xeberdara wisarî û vilika eşqî yena zanayiş. Emserre seba ke zimistan germ vîyareno no ser na vilike lez akerd. Normale de na vilike peynîya sibate ya zî destpêka adare de akena, lezakerdişê na vilike ser o şar matmayî mend.
Vilika nêrgize xususî şaristanê Amed, Êlih, Mêletî, Xarpêtî de zaf elaqa vînena û nêzdî 40 rojê ser tezgahan de cayê xo gêna. Amed de zî Cadeya Gazîlerî de ser tezgahan de yena rotiş û çi heyfo ke vaya na vilike zî sey her çikî zêdîya.
Feydayê vilika nêrgize
Vilika nêrgize seba weşîya merdimî zî zaf bi feyda ya, eke yew merdim boya na vilike bianca pirnikê xo, pirnikê ci yê xetimyeya bi lezî abîyeno. Dermankerdişê nêweşîye yê grîp û nezleyî de zî na vilike yena şuxulnayiş û xususîya ci ya pakkerdişî zî esta.
