Platformê Sazîyanê Demokratîkan, Amed de “Rayîrşîyayîşê Çareserîya Demokratîke û Azadîye” da destpêkerdene. Açarnayox Xidir Karataşî zî piştî da nê rayîrşîyayîşî û va “her kişt ra zilmêde pîl est o. Ey ser o zî gere ma yewbîyayîşê xo virazîme”
Platformê Sazîyanê Demokratîkan, Amed de “Rayîrşîyayîşê Çareserîya Demokratîke û Azadîye” da destpêkerdene. Rayîrşîyayîş ke kesê cîya-cîyayî tede ca gênê, heta Enqera dewam keno û do 20ê Kanûne de biqedîyo.
Açarnayox Xidir Karataşî zî piştî da “Rayîrşîyayîşê Çareserîya Demokratîke û Azadîye” û kombîyayîşê verê DBP’yî de ca girewt. Xidir Karataşî ajansa ma WA rê qisey kerd û va “her kişt ra, zilmêde pîl est o. Ey ser o zî gere ma yewbîyayîşê xo virazîme. Muxatabê na mesela kam o Enqera ra vacîme. Aye ra ez tîya der a.”
Xidir Karataşî nîya dewam kerd “No rayîrşîyayîşê vera Anqara rayîrşîyayîşê azadîya Kurdan o. No Rojawan de çeteyen galayê tevayê şaranê ê cayî kerdo. Şarê ke ê ca yê xêncê Kurdan şarê bînî, Erebî est ê, Ermenî est ê, Sûryanî est ê, Tirkmenî est ê. Yanî ê pêro binê zordestîya û galayê nê çetan der ê. Serekê înan zî kam ê, nê projeyî viraştê û goreyê ê projeyî rayîr benê. Ey ser o ma zî ma va vera Anqara seba azadîya Kurdan seba çareserîya demoqratîke seba serokatî projeyêde zaf rind bêro viraştîş, çareserîye bêro. Muxatabê ey zî belî yo, muxatabê na mesala Îmrali der o, serekê Kurdan o. Ey ra pêvinayîş bêro viraştîş. Ey ser o zî yew çare bêro viraştiş. Encax Îmrali çareserîye virazo.
Muxatab belî yo
Ey ser o zî yanî sazîyê Amedî, partîyê Amedî tîya kombîyayîşê DBP’yî ver de viraşt. No kombîyayîş de êyê ke semedê rayîrşîyayî Anqara ard ziwan. Ma ameyîme têhet ma va ma nê ambazan rayîrkîme. Lebelê virnîya nê rayîrgirewtişî yanî no serebuto ke virazîyeno, vano va çareserîya mesela Kurdî wa çereser nêbo. Yanê pirsgirêka Kurdan orte der a belî yo, muxatab zî belî yo. Labelê sistema Tirkî vana ma kesî muxatap nas nêkenîme. Lebelê şar û komel tewayî Kurdîstan, Kurdî serekê Amedî tîya kombîyayîş de vanê muxatap belî yo. Nê çareserkerdîşê mesela Kurdî de ma rayîrşîyayîşê azadî de vera Anqara sembol şîyayîş est o.
Seba çareserkedişî, demokratik û azadbîyayîş vera Anqara de ma pêhet bîyîme muxatabî cira vajîme. Pirsgirêka xo vera aşitîye ma hal bikîm.
Aborî nêmende yanî her kişt ra zilmêde pîl est o. Ey ser o zî gere ma yewbîyayîşê xo virazîm. Vera Rojawanî de Rojawanî wayîrvejîyayîşî de yewbîyayîş şert o. Heya ke Kurdî yewbîyayîşê xo xurt mekê çareserîye zî mimkun nîyo, pêkan nîyo. Ez eşkena naye vajî û Rojawan rumetê ma yo, rumetê Kurdan o, wayîrvejîyayîş heqê her kesî yo. Her kes gere wayîrvejîyo.”
