Hûmara Rojnameyê Xwebûnî ya 316. bi manşetê “Rêwîtî dê bi Azadîya Welat bidome” vejîya û resa destê wendekaran.
Rojnameyê Xwebûnî yo ke 6 serrî yo weşan keno, dimayê hûmara 316. weşanê xo do dewrê rojnameyê Azadîya Welatî bikero. Rojnameyê Xwebûnî hûmara xo ya pêyêne de bi manşetê “Rêwîtî dê bi Azadîya Welat bidome” weşanê xo vindarna û dewrê Rojnameyê Azadîya Welatî kerd. Rojnameyî hûmara xo ya pêyêne de bi kilmkî ca da cuya Rojnameger û Nuştox o enternasyonalîst Huseyîn Aykol o ke cuya xo vîndî kerda û mesajo ke Rayberê Şarê Kurdî Abdullah Ocalanî seba ey erşawitbi.
Rojnameyî na hûmara xo de ca da roportajo ke Xecê Şen, Alî Haydar Elyakûtî reyde sosyalîzmî ser o kerdo. Reyna ca da makaleyanê nuştox Cahît Kirkazak, Zinar Ronî, Medenî Ferho, Felemez Ulug, Ahmet Aktaş, Serdil Akdag, Cemîle Turhalli, Hogir Berbir û Veysi Varli.
