Meseleya bonderbîyayişê katalankî ya YE’yî nê rojan seba hîkeyaya bonderbîyayişê ziwanê îrlandkî (galîkî) yeno vatiş. Îrlandkî 17 serrê benda ci mendê ke bibo ziwanê fermî yê YE’yî.
Katalanî do bieşkerê bibo ziwanê fermî yê Yewîyeya Ewropa (YE)? Na mesele serra 2023î nika Katalonya û Brukselî ra yeno nîqaşkerdiş.
No ser zî, Bruksel bi awayêko qismî bonderbîyayişê nê ziwanî qebûl kerd. Nika roniştişê pêroyî yê Parlementoya Ewropa de açarnayişê îrlandkî yeno kerdiş. La belê dokumanê yewîyîye bi îrlandkî nîno weşan kerdiş û beyanatê çapemenîye de xizmetê açarnayişî bi îrlandkî nîno kerdiş.
Îrlanda 2005î de waştişê bonderbîyayişê ziwanê Konseya Ewropa kerd. Konseye encax serra 2022î de no waştiş qebûl kerd. No zî nîşan dano rayîrê bonderbîyayişê ziwanê kêm yeno qisekerdiş verba YE’yî yo.
Cîyayîyê katalankî û îrlandkî
Katalan na babete de wayîrê avantajêkî yê. Îspanya de nêzdî 10 mîlyon kes bi katalankî qise kenê. Îrlandkî bi tena zî hetê 195,000 kesê yeno qisekerdiş. Hetêko bîn, hetta îrlandkî seba katalankî meseleya çareserkerdişê açarnayişî çîn o. Babeta bonderbîyayişê ziwanan bi pêamayişê 27 welatanê Yewîyeya Ewropa yeno girewtiş. 24 ziwanê welatanî endamê ziwanê fermî yê Yewîyeya Ewropa yê.
