Berpirsa Sîyasetê Teberî û Temsîlkara Berze ya Polîtîkayanê Ewleyî ya YE’yî Kaja Kallas hêrişanê çeteyanê nê vengdayîşî kerd: “Ganî bilez pêroyî çalakîyê leşkerî yê Sûrîye de vinderê û heme hetî girêdayeyê adirbestî bibê, seba ke gamêka bingeyîn a girewtişê vernîya rijîyayîşê merdimîye ya.”
Berpirsa Sîyasetê Teberî û Temsîlkara Berze ya Polîtîkayanê Ewleyî ya Yewîya Ewropayî (YE) Kaja Kallas vengda ke ganî bilez heme çalakîyê leşkerî yê Sûrîye vinderê.
Kaja Kallas vengdayîşê xo de nê çîyî vatî: “Adirbestê mabênê îqtîdarê Sûrîye û Hêzanê Sûrîya Demokratîke de gamêka muhîm a girewtişê vernîya rijîyayîşê welatî yo. Ganî her kes girêdayeyê vatişan bibê û sîvîlî bêrê pawitene. Amancê YE’yî o yo ke bedilîyayîşo sîyasî yo pêroyî û rastîne Sûrîye de bêro ca. Teqezkerdişê nê amancê o yo ke sazgehê leşkerîş û ewleyî û sîvîlî mîyanê awankerdişê dewlete de bibê yew û beşdarîyêka sîyasî û herêmî ya aktîf û wayîrê manayî biba. Seba ke DAIŞ reyna nêvejîyo orte, pawitişê pêroyê heqanê kurdan zaf muhîm o.”
