Munzur Çemî, destpêkerdişê serranê 1990 ra bi nat, karo polîtîk de aktîf ca nêgirewt. Ey giranîya xo daye nuştuşî ser. Bi taybetî kî derheqê ziwan û kulturî de aktîf bî.
Munzur Çem, 1947 de dewa Gêxî Qurze de ame dinya. Mekteba verêne dewa Gêxî Seter de, mekteba mîyanêne kî qezaya Dêrsimî Qisle de wende. Serra 1962 de Erzirom de dest bi wendişê Kolejê Tenduristîye kerd, 1966 de Amed de qedêna.
Amnanê 1966î de sey memurê tenduristîye dest bi kar kerd. Hetê ra gureya hetê ra kî wend. Bi no tore, mektebê Îqtîsadî û Ticarî yê Berzî yê Anqara 1971 de qedêna.
1975 de îmtîhan qezenc kerd û Anqara de, Sayiştay de sey kontrolorî dest bi karê xo yê neweyî kerd. 1980 de, çend aşmî/mengî cuntaya 12ê êlule ra ravêr, welat terk kerd, şî welatanê teberî. Sebebê nê terkerdişî kar û xebatê eyê polîtîk û karê nuştoxîye bî. A roje ra nat welatanê peşeyan de ciwîyayo. Munzur Çem 1970 ra bi nat meqala, hîkaye, roman û temayanê bînan de kitaban nuştî; şanik û lawikê ke mîyanê şarî der ê, arê dayê. Temaya meqalayanê ey ekonomî, polîtîka û kultur o. Îmla û rastnustişê kirmanckî ser o kî xeylî gureyayo.
Cuntaya 12ê êlula 1980 ra verê, grûba polîtîk a ke bi nameyê “Ozgurluk Grubu” (Riya Azadî/Rayîrê Azadîye) amêne namekerdene, aye de xebitîya. Meqalayê xo yê perîyodîkî kî sifte kovar û rojnameyanê na grûbe de nuştî. Ma vajîme, kovarê sey Ozgurluk Yolu, Roja Welat, Ozgurluk ûêb. Tawo ke nuştoxî welat terk kerd, peynîya serra 1980 de şî Almanya. Ey hetê ra karê xo yê polîtîkî ramit, hetê ra kî sey rojnamevanî gureya. Ma vajîme, çiqas ke resmî nêbo kî pratîk de serredaktorê Dengê KOMKAR’î bî. Dengê KOMKAR, rojnameyê Komelên Karkerên Kurdîstanê li Almanya (KOMKAR) bî.
Goreyê xebera ANF’î Munzur Çem, Adara 1984 de Almanya terk kerd û şî Swêd, uca îltîca kerd. Payîzê peyênê 1996î ra bi nat paytextê Almanya Berlîn de ciwîya. Munzur Çemî, destpêkerdişê serranê 1990 ra bi nat, karo polîtîk de aktîf ca nêgirewt. Ey giranîya xo daye nuştuşî ser. Bi taybetî kî derheqê ziwan û kulturî de aktîf bî. Persa elewîyênî û rewşa elewîyan kî kar û xebata ey de cayêde muhim girewt û ewro hîna kî gêna.
Rewşe ra gore, Munzur Çemî nuşte û eserê xo bi cîya-cîya îmazayan nuştê: H. Toprak, A. Taş, M. Çem, B. Şilan, S. Dilan, Mirzali Çimen. Bê înan bi tayê nameyanê bînan zî nuşteyê ey weşanîyayê.
Bê kitaban cîya-cîya tayê meseleyan ser o broşurê Munzur Çemî kî est ê. Meqaleyî, lawikî, şanikê arêkerdeyî û hîkayeyî, hetanî ewro xeylê kovar û rojnameyan de vejîyayê û hema kî vejînê. Grûba ke çend serrî yo îmla û gramerê kirmanckî ser o gureyena û Swêd de kovara Vateyî weşanena, yanî Munzur Çem Grûba Xebate ya Vateyî ra yew o û temsîlkarê na kovare yê Almanya yo. Rojnameyo hewteyî Roja Teze de 15 rojan ra reyê kirmanckî meqaleyî nuştêne.
Munzur Çem xebatkarêde heqanê merdîman o. Kurdîstan û Tirkîya de rewşa heqanê merdîman ser o xeylê xebetîyayo. Munzur Çem, sazkerdoxanê Kurd-PEN’î ra yew o. Ey bi grûbê embazanê xo serra 2001 de, paytextê Almanya Berlîn de bi nameyê Înstîtutê Ziwan û Kulturê Kirmancî (Zaza)-Berlîn, dezgehê saz kerd. Munzur Çemî serra 2022 de cuya xo bedilnaye.
Broşur û meqaleyan ra teber, kitabê Munzur Çemî yê ke hetanî ewro weşanîyayê, nê yê:
1) A. Taş, Turkiye Kurdistani: Ekonomik ve Sosyal Yapi, Ozgurluk Yolu Yayinlari, Koln, 1985
2) Munzur Çem, Gulumse Ey Dersim, Ozgurluk Yolu Yayinlari, Koln, 1990
3) Munzur Çem, Gulumse Ey Dersim – İİ, Ozgurluk Yolu Yayinlari, Koln, 1991
4) Munzur Çem, Gulumse Ey Dersim – İİİ, Ozgurluk Yolu Yayinlari, Koln, 1993
5) Mîrzali Çimen, Dunu ve Bugunuyle Gerikalmişlik Sorunu, Oz-Ge Yayinlari, Ankara, 1991
6) Munzur Çem, Hotay Serra Usivê Qurzkizî, Weşanên Roja Nû, Stockholm, 1992, 343 rîpelî / Çapa diyine, Weşanên Deng, Îstanbul 2002, 297 rîpelî
7) Mûnzûr Çem (arêkerdox), Tayê Kilamê Dêrsimî, Stokholm 1993, 317 r.
8) Munzur Çem, Ferheng: Kurdî-Tirkî (Zazakî), Stockholm, 1994, 589 rîpelî
9) Munzur Çem, Dersim’de Alevilik, Pêrî Yayinlari, Îstanbul, 1999
10) Munzur Çem, Ormanin Dili, Stockholm, 1996 / Genişletilmiş ikinci baski, Pêrî Yayinlari, İstanbul, 2004, / Genişletilmiş uçuncu baski, Pêrî Yayinlari, İstanbul, 2008
11) Munzur Çem, İsyana Çağri, Stockholm, 1996, / Sorankîya nê kitabî bi nameyê, Banghêş Bo Serhildan, Tadayox: Aştî Felekeddîn Kakeyî, Weşanxaneya Wezareta Kulturî, Hewlêr, 2009
12) Munzur Çem, Ekmeği de Yaktilar, Pencînar Yayinlari, Stockholm, 1997
13) Mûnzûr Çem, Luye Be Biza Kole ra, Weşanên Komkar, Koln 1998, 91 rîpelî
14) Mûnzûr Çem, Kulê 38î (roportajî), Weşanên Komkar, Koln 1998, 234 rîpelî
15) Munzur Çem, Taniklarin Diliyle Dersim- 38, [Kirmanckîden çeviri: Munzur Çem], Pêrî Yayinlari, İstanbul, 1999
16) Munzur Çem, The Voice of Forest, [Transletion by: Çris Buçanan] KOMKAR Publications, Koln, 2000
17) Munzur Çem, Kurden im 20. Jahrhundert, Eva Rudolph, Halo Berzînjayî, Îbrahim Okuducî, Kurdîstan AG-FU, Berlin, 2002
18) Munzur Çem, Turkçe Açiklamali Kirmancca (Zazaca) Gramer, Weşanên Deng, Îstanbul, 2003
19) Munzur Çem, Antolojîyê Hîkayanê Kirmanckî (Zazakî), Weqfa Kurdî ya Kulturî Li Stockholmê, Stockholm 2005, 158 rîpelî
20) Munzur Çem, Hewnê Newroze, Weşanxaneyê Vateyî, Îstanbul, 2005, 135 rîpelî
21) Munzur Çem, Gula Çemê Pêrre, Weşanxaneyê Vateyî, Îstanbul, 2007, 538 rîpelî
22)- Munzur Çem, Nuşteyî, Weşanxaneyê Vateyî, Îstanbul, 2019, 316 rîpelî
23) Veng û Hesreta Herdê Dewrêşî (Nuşteyê Weçînîteyî)
24) Munzur Çem, Yayinlanmiş Yazilar İ / Dergi, Gazete Yazilari, BABEK YAYINLARI, 2020, 512 s.
25) Munzur Çem, Yayinlanmiş Yazilar -İİ / İnternet Yazilari, BABEK YAYINLARI, 2020, 448 s.
26) Munzur Çem, Yayinlanmiş Yazilar -İİİ / Polemik Yazilari, BABEK YAYINLARI, 2020, 304 s.
