Rayberîya Polîsan a Zaxo dîyar kerd ke Zaxo de cinîyêka ciwane bi çek ameya kiştene.
Rayberîya Polîsan a Îdareyê Zaxo ya Şaristanê Dihokî derheqê hedîseya ke Zaxo de qewimîyaya, eşkerayî daye. Rayberîya Polîsan dîyar kerd ke saetanê serê sibayî de merkezê Îdareyê Zaxo cinîya 26 serra ya bi nameyê N.A.E bi çek ameya kiştene.
Goreyê eşkerayîye laşê cinîya ciwane ser o çend herindê guleyan est ê û cenazeyê aye berda tibê edlî yê Zaxoyî. Rayberîya Polîsan dîyar kerd ke dima ke polîsî resayê cayê hedîse cigêrayîş ameyo destpêkerdene.
