Bi dronanê bombabarkerdeyan hêrişê bîranê petrolî yê qezaya Zaxo ya Dihokî ya Başûrê Kurdîstanî ame kerdene.
Goreyê xebera ajansê RojNews’î serê sibayî bi dronanê bombabarkerdeyan hêrişê bîrê petrolî yê Pêşxabûra Îdareyê Zaxoyî ameyo kerdene. Eynê wextî de dronêka bîne zî hêrişê bîrê petrolî yê DNO yê Tawkeya Zaxoyî kerdo.
Yeno vaten eke encamê hêrişan de zîyanê madî virazîyayî. Heta niha nêame zanayene ke nê hêrişê bîranê petrolî yê Herêma Kurdîstanî ser o hetê kamî ra ameyê kerdene. Erjeno merdim vajo Kampanyaya DNO Kampanyayêka neftî ya Norveçî ya û bîranê petrolî yê ke Tawkê û Pêşxabûra Zaxo de yê rayra beno.
Vizêr serê sibayî zî bi rayîrê teyareyanê bêmerdim û întîharî, hêrişê bîrê petrolî yê Etrûşa şaristanokê Şêxan ya Dihokî amebi kerdene.
