* Samuel Noah Kramer, di pirtuka xwe ya “Dîrok Ji Sumerê Destpê Dike” de serdema civaka xwezayî û şaristaniyê bi zimaneke wêjeyî şîrove dike. Nemaze di serdema destpêka şaristaniyê re civak, bi rûyê dewlet, desthilatdarî, serdestî û bindestiyê re rû bi rû dimîne. Cara yekemîn di serdema Sumeriyan de bê dadî, ne wekhevî, bê wijdanî û bi taybetî jî rûyê şer ên giran tê dîtin.
* Aktîvîsta TJAyê Salîha Ayata ku têkildarî pêvajoya heyî axivî û derbarê gavneavêtina dewletê de wiha got: “Divê makezagon biguhere û Kurd di wê makezagonê de bên naskirin.”
* Li Şirnexê 55 saziyên sivîl ji bo piştgiriya pêvajoyê daxuyanî dan. Serokê Odeya Bijîjkan a Şirnexê Serdar Kûnî û Cigirê Serokê Komeleya Astengdaran a Şirnexê Hakîm Kizilcan ku tev li daxuyaniyê bibûn xwestin dewlet jî ji bo pêşveçûna pêvajoyê gavan biavêje û qanûnan derxîne.
* Koçer Erhan Îlgen têkildarî Kaniya Xerzê ya li Zozanên Hesendînê diherike diyar kir ku Kaniya Xerzê derdorê zindî dike û got: “Kanî ziwa bibe jiyana me jî dê xilas bibe.”
* Gundê Omyanisê di salên 1990î de hat valekirin. Şêniyên gund diyar kirin ku dema ji gund koçber bûn ji aliye aboriyê ve gelekî zehmetî kêşan lê dema vegeriyan gundê xwe pirsgirêkên wan ên aboriyê neman.
* Berdevka Meclisa Jinan a DBPê Bêrîvan Bahçecî dê têkildarî geşedanên di rojevê de li avahiya Buroya Şewirmendiyê ya Navenda Giştî ya DBPê ya li Amedê civîna çapemeniyê li dar bixe. (11.00)
Komeleya Lêkolîn Çavdêrî û Koçê ya Mezopotamyayê (GOÇ-DER) bi daxwaza ku di komîsyona li Meclisê bê avakirin de cih bigire li ber postaxaneya li semta Ofîsê ya Amedê daxuyaniyê bide û du re ji Serokatiya Meclisê re daxwaznameyê bişîne. (13.00)
* 23yemîn Mihrîcana Çand û Xwezayê ya Mûnzûrê ku bi dirûşmeya “Dêrsim Jiyan e; Dest nede Xwezaya Min, Vîna Min, Zimanê Min, Baweriya Min” ji aliyê Platforma Ked û Demokrasiyê ya Dêrsimê ve tê lidarxistin îro dest pê dike. (10.00-22.00)
* Şaxa Komeleya Mafên Mirovan (ÎHD) a Amedê dê bi navê “Şahidiniya 10 salan, şer, bîr û aştî” bi tevlibûna Hevseroka xwe ya Giştî Eren Keskîn li Çand Amedê gotûbêjekê li dar bixe. (17.30-20.30)
