Parlamentera DEM Partiyê Salîha Aydenîz, di çalakiya li ser sînorê Nisêbînê de axivî û got: “Eger dewlet çareseriyê dixwaze û ji dil e, wê demê divê malbatan asteng nekin û cenazeyên rojnamegeran bidin malbatan.”
Çalakiya nobetê ya li dijî êrişên ser Bakur û Rojhilatê Sûriyeyê li ser sînorê Nisêbîn-Qamişloyê hatiye destpêkirin di roja 26an de berdewam kir. Çalakiya nobetê ya li dijî êrişên dewleta tirk û koma wê ya paramîlîter SMOyê yên li ser Bakur û Rojhilatê Sûriyeyê li ser sînorê Nisêbîn a Mêrdînê û Qamişloyê hatiye destpêkirin di roja 26emîn de berdewam kir.
Gelek kes tev li çalakiya nobetê ya li ber deriyê sînor ê Nisêbîn-Qamişloyê tê lidarxistin bûn. Welatiyên di saetên serê sibehê de hatin cihê çalakiyê, dirûşmên “Bijî berxwedana Rojava”, “Jin Jiyan Azadî” berz kirin û govend gerandin. Parlamentera DEM Partiyê Saliha Aydenîz û gelek kes tev li nobetê bûn. Çalakvanan, armanca çalakiyê ji kesên hatine serdana çalakiyê re veogtin. Di çalakiye dê Salîha Aydeniz, anî ziman ku 26 rojin çalakiya Nobeta sînor didome û wiha got: “Ev çalakî ji bo ronahiyê û azadiyê ye. Em dizanin kriz û kaos tenê li Tirkiye û Rojhilatê nîne. Li tevahiya cîhanê ye. Ji bo ev qeyran çareser bibe çareseriyek heye. Ev çareserî jî aramiya Bakur û Rojhilatê Sûriyeyê ye. Pergala çareseriyê li Rojava hatiye avakirin. Lê em dibînin ev dewlet bi israr aştî û aramiyê naxwaze. Kaosê kûr dikin.”
Salîha Aydenîz, anî ziman ku bi ÎHA û SÎHAyan Rojnamevan Cîhan Bîlgîn û Nazim Daştan kuştin û wiha got: “Ev nîşanî me dide ku ev dewlet aramî û çareseriyê naxwaze. Hemû cîhan dizane ku Nazim û Cîhan rojnameger in. Li aliyê din heyeta me ku malbat jî di navde ne, 24 saet li ser sînor tên rawestandin. Li deriyê Xabûrê bi zanebûn û keyfî didin rawestandin. Dizanin ku ev sûcê wan aşkere bûye. Hemû cîhan dizane ku Cîhan û Nazim rojnamevan bûn. Wan rastî û qirêjiya heyî bi raya giştî re parve kirin. Ji ber vê yekê bi zanebûn kirin hedef. Ji bo malbat cenazeyên xwe negirin heyet 24 saet in li ser sînor tên rawestandin. Sedema vê yekê pir zelal e. Naxwazin sûcê wan bê aşkerekirin. Dizane ku dê sûcê wan aşkere bibe.”
Salîha Aydenîz, anî ziman ku ew tev dizanin ku li dijî rojnamevan û sivîlan sûcê mirovahiyê û sûcê navneteweyî hatiye kirin û got: “Ji vê saetê û şûnde dewlet nikare êdî sûcê xwe veşêre. Em bang dikin. Lazim e dewlet êdî cenazeyên Nazim û Cîhan radestî malbatan bikin. Em dizanin hûn ji heqîqet, rastî û demokrasiyê ditirsin. Heqîqet tu carî di tariyê de namîne. Rastî tu carî veşartî namîne û derdikeve holê.”
Heta statuya Rojava bê qebûlkirin dê çalakiya me bidome
Salîha Aydenîz, herî dawî anî ziman ku her tiştê dewletê aşkere bûye û wiha axivî: “Em vê nêzîkatiya we şermezar dikin. Ev nêzîkatiya we ya dijminantiyê ye. Ev nayê qebûlkirin. Hûn dê li aliyekê bibêjin em demokrasî û çareseriyê dixwazin, li aliyê din hûn ê cenazeyên malbatan nedin wan. Ev nêzîkatî dirûtî ye. Ev nêzîkatî rastî û dirûtiya wan nîşan didin. Eger hûn dixwazin aştî, demokrasî pêş bikeve, divê hûn cenazeyên malbatan bidin wan. Em bang dikin ku vê nêzîkatiya dijminantiyê terk bikin. Em çareseriyê nîşan didin. Em ji bo berpirsiyariya xwe li vir in. Em ê her tim li vir bin. Îro pergala ku li Rojava hatiye avakirin, ji bo tirkiyeyê û Rojhilata Navîn mînaka çareseriyê ye.
Heyeta me çû Îmraliyê û niha bi partiyan re hevdîtin dikin. Pirsgirêk jî li holê ye. Çareserî jî li holê ye. Çareserî bi rêbaza demokrasî li masê rûniştin e. Dîsa şansek hatiye dayîn. Divê hemû alî vê şansê rast binirxînin. Em dîsa dibêjin, heta statuya gelê Rojava neyê naskirin û qebûlkirin em ê nobeta xwe ya li ser sînor berdewam bikin. Çareserî pergala ku Rêber Abdullah Ocalan pêş xistiye. Werin em bi hevre vê pergalê têxin meriyetê.”
Piştî axaftinê li dijî astengkirina heyeta ku li ser sînorê Xabûrê dane sekinandin 5 deqîqeya çalakiya rûniştinê li dar xistin. Girseyê bê navber dirûşmeya “Biji Berxwedana Rojava” berz kirin.
