Gelê Botanê ji bo banga dîrokî ya Rêberê PKKê Abdullah Ocalan temaşe bike, bi stranan dimeşe Amedê.
Şandeya Partiya Wekhevî û Demokrasiyê ya Gelan (DEM Partî) ya Îmraliye dê piştî hevdîtina îro ya bi Rêberê PKKê Abdullah Ocalan re, banga dîrokî ya Abdullah Ocalan parve bike. Daxuyanî dê saet di 17.00ê de li Hotêla Elîte Worldê ya Stenbolê were dayin. Ji bo daxuyaniyê li gelek bajaran amadekarî tên kirin ku yek ji wan bajaran jî Amed e. Ji bo daxuyaniyê li Qada Şêx Seîd a Amedê ekranên LEDê yên mezin hatin danîn û daxuyaniya dîrokî ya Abdullah Ocalan dê zindî bê temaşekirin. Di vê çarçoveyê de gelek welatî ji navçeya Cizîrê ya Şirnexê ber bi Amedê ve bi rê ketin.
Gelê Şirnexê bi stranan bi kelecaneke mezin ber bi Amedê ve dimeşin.
