Şaxa ÎHDa Îzmîrê, têkildarî salvegera sêyemîn a erdhejên 6ê Sibatê li avahiya xwe civîna çapemeniyê li dar xist û got: “Ser erdhejê 3 sal derbas bûn lê medûrî hêj didomin.
Şaxa Komeleya Mafên Mirovan (ÎHD) a Îzmîrê bi munasebeta salvegera erdehên 6ê Sibatê li avahiyê komeleya xwe daxuyanî da. Hevserokat şaxê Zîlan Gumuş daxuyanî xwend. Nûnerên ÎHDê û parastvanên mafên mirovan tev li daxuyaniyê bûn.
Zîlan Gumuş, destnîşan kir ku tevî 3 sal ser erdhejê derbas bûne jî mexdûriyeta mexdûrên erdhejê hêj jî berdewam dike. Zîlan Gumuş da zanîn ku têkoşîna wan a ji bo bidawîkirina mexduriyeta dê bidome û derbarê mijarê de daxwazên ÎHDê wiha bi rêz kir: ”
* Divê valakirina bi zorê ya konteyner û cihên mayîna demkî were rawestîn. Ji bo van civakan divê xaniyên mayînde, ewle û li gorî çanda wan bêne çêkirin. Divê astengiyên li pêşiya gihîştina perwerdehî, tenduristî û alîkariyên civakî bêne rakirin.
* Divê hemû cihên mayînê yên demkî û mayînde li gorî standardên dawî ên jiyanê bêne çêkirin. Xizmetên rehabîlîtasyonê, lênêrîna li malê û piştgiriya derûnî û civakî divê belaş bêne kirin.
* Li cihên mayînê divê ewlehî, ronîkirin û mekanîzmayên şêwirmendiyê bêne avakirin. Li dijî tundiyê divê navendên serlêdana lezgîn û parastinê bêne zêdekirin. Tevlîbûna jinan a di pêvajoyên avakirin û biryardanê de divê bên mîsogerkirin.
* Divê zext, gef û tundiya li konteyneran bi dawî bibe. Li dijî cudakariyê divê mekanîzmayên parastinê û serlêdanê yên taybet bêne avakirin. Divê heqê mayîna ewle û gihîştina tenduristiyê ya wekhev bê misogerkirin.
* Divê biryarên ‘îstimlaqkirina lezgîn’ ên li herêma erdhejê, bi taybetî jî li Samandagê, bêne betalkirin. Divê dawî li desteserkirina zeviyên çandiniyê û cihên jiyanê bê. Ji bo kesên ku ji cih û warên xwe bûne, divê vegera wan, a ‘tezmînata adîlane’ û ‘ewlehiya mayînê’ bê misogerkirin.”
