Hêzên hikûmeta demkî êrîşî Swêdiyayê kirin. Di şer de 350 kes hatin kuştin. Piştî bûyerê hêzên Şamê vekişiyan û ewlehî dewrî gelê herêmê kirin.
Li gorî bîlançoya heta îro ji aliyê Çavdêrxaneya Mafên Mirovan a Sûriyeyê (SOHR) ve hatî eşkerekirin, dawiya hefteya borî di şerê li wîlayeta Siwêdayê ya li başûrê Sûriyeyê destpê kirî de, zêdeyî 350 kes hatin kuştin. Li gorî SOHRê, di bûyerên tundiyê de bi giştî 79 şervanên Durzî, 55 sivîl, 189 endamên artêşê û yan jî ewlekariyê û 18 êrişkarên Bedewî hatin kuştin. Li ser vê yekê, di êrişên Îsraîlê de 15 leşker û endamên hêza ewlekariyê hatin kuştin.
Piştî bombebaranên li ser derdora qesra serokatiya li Şamê ya Îsraîlê û biryargeha leşkerî, agirbest hate îlankirin. Piştre hêzên Şamê ji Siwêdayê vekişiyan.
Şera Îsraîl sûcdar kir
Di axaftineke ku şeva çarşemê hatî weşandin de, Serokkomarê Demkî Ehmed El Şera Îsraîl sûcdar kir ku welatê wî parçe dike û ber bi şerê navxweyî ve dibe. El Şera bang li civaka Durzî kir û got: “Parçeyekî rast ê mozaîka vî welatî ne.”
Şera îdîa kir ku ew bi biryarin ku hemû pêkhateyên li Sûriyeyê biparêzin. Ewlekarî dewrî Durziyan hate kirin
