Li başûrê rojavayê Pakistanê wesayîteke bombebarkirî bi otobuseke dibistanê de teqiya. Di êrîşê de 4 zarokên xwendekar hatin kuştin û 38 zarok jî birîndar bûn.
Rayedarên pakistanî diyar kir ku otombîleke bombekirî li başûrê rojavayê Pakistanê bi otobuseke dibistanê de teqiyaye. Di encama êrîşê de 4 zarokên xwendekar hatin kuştin û 38 kesên din jî birîndar bûn. Polîsên Pakistanê ragihand ku êriş li navçeya Xozdar a parêzgeha Belûçistanê, dema ku otobusê zarok dibirin dibistaneke bajêr, qewimî. Heta niha tu aliyan berpirsyariya êrişê negirtiye ser xwe.
